//支持本Page請Click入內文比Clap，已為Medium收費會員請直接Click入內文閱讀，謝謝！//
響林鄭政府處理疫情極之垃圾嘅情況下，新上任特首賀一誠相比之下當然係有唔少相對上嘅亮點。問題有班黃屍左膠KOL卻因此產生咗一種移情作用，於是就完全無視香港同澳門一啲本質上嘅分別、甚至不惜老作Fakenews，務求塑造一個「澳門有為特首」嘅神話出黎──你要屌林鄭我沒有意見，但有必要幫澳門呢個獨裁政棍揩脂抹粉咩？
區家麟之前響佢篇《香港口罩之亂：澳門如何做得到》文入面大讚澳門政府響管制口罩方面比香港做得好，因為1. 澳門藥房有電腦聯網；2. 澳門早有準備，且公開資訊；3. 賀一誠新官上任三把火，之後比黃絲瘋傳。
我唔反對特區政府響口罩資源管理上係非常無能，但區家麟卻完全忽略咗，香港嘅人口係澳門12倍，有好多嘢係唔可以照搬過黎對照：之前都講過，香港每日口罩嘅最低消耗量係超過400萬個，而澳門只係40萬個；澳門政府只要確保倒香港三日嘅口罩用量，就可以用成個月，難度自然比香港低好多。
當然，澳門要求購買口罩嘅人一定要持有澳門身份證呢樣嘢絕對係做得好，港澳口罩從來都唔應該比大陸人買；但而家香港根本係自己人都唔夠買，就算你要求有香港身份證登記先可以買倒口罩，唔通你聽日就可以買倒口罩？
而且我都唔講全澳門只有56間藥房，香港卻有超過3000間，仲未計莎莎卓越日本城萬寧屈臣氏呢啲一樣有賣口罩嘅舖頭；基於澳門醫療系統對藥房信任度比較高、藥物津貼都可以經藥房施行，而香港醫療系統卻係由醫管局響醫院層面統籌，所以前者先會一早引入藥房電腦聯網，兩者根本難以比較；
就算比著你今日所有香港藥房都有電腦聯網，屌你而家咪只係會見倒間間都寫住「0存貨」，你要知邊度有得賣呀，走落街睇下邊度排緊隊咪知囉，而且得個知字添咋，排隊都唔輪到你啦！
香港口罩問題從來都應該係政府死都唔肯統一採購同分配，假「自由市場」之名逃避分配資源責任：有呢樣嘢，電腦聯網、庫存紀錄同身份證登記先真係有意義，呢個就係香港同澳門嘅真正分別所在。區家麟呢啲三流評論員當然唔會明。
至於第二單就更加離譜，話說有內容農場整咗單Fakenews話咩「澳門封關後連續5日沒有新增確診個案」，然後又係比林輝、D100同埋一眾黃絲瘋傳。
呢個真係可以話係繼「只要飯民垃圾會守唔住關鍵一席，廿三條就可以立法」之後，最離譜嘅一單假新聞──
因為澳門從來無封過關！因為澳門從來無封過關！因為澳門從來無封過關！
唔撚知點解成班黃屍可以反覆不停催眠自己呢個係事實之餘，仲要不停揸住呢個Point去同人挑機。唔撚該你班黃屍，搞清楚個時間表先啦：
一直去到1月23日，響賀一誠接受訪問時，仍然堅持全面禁止武漢人士入境係不可行；
然後去到1月26日，冥頑不靈嘅林鄭特衰政府先至讓步，武漢人同禁止14日內曾經前往武漢嘅大陸人入境；
再去到1月27日，澳門先跟風香港，宣佈類似措施，而且仲要係香港呢就完全禁止入境，澳門呢就係要求相關旅客要攜有醫生發出嘅「無患病證明」先至可以入境。雖然去到今日為止好似都無旅客可以做倒，但一個係完全禁止，一個係要有醫生證明先可以入境，我想問邊個政策係嚴厲啲？
同埋如果澳門咁都叫封關，咁香港一早封撚咗關啦，你班黃屍響度嘈乜撚嘢JACK！
又例如有人瘋傳澳門警方強制遣返武漢人離境，但現實上澳門政府只係協助武漢人加快離境，如果一個健康武漢人要求，佢仍然係可以響澳門逗留──直到呢一刻，仍然有百幾個武漢人響澳門；
當然澳門政府係有嘢做得比香港政府好，例如充份掌握哂所有武漢人行蹤、禁止湖北人進入賭場、有患病嫌疑嘅武漢同大陸人係會強迫進入隔離營，呢啲都係垃圾香港軟腳蟹政府做唔倒嘅。
但呢度又要再強調一次，澳門無論人口定土地面積都遠比香港細，根本完全唔可以將所有嘢類比；澳門點解可以五日內無新Case，可能只係由於澳門人口分佈情況，同出入境人次同香港相差幾倍有關。而更加可以100%講係完全唔撚關「封關」事，因為澳門從來無封過關之餘，更比香港遲一日封關。
響度再強調一次，無人會比我更痛恨呢個港共殖民政府，至少我唔會再相信乜撚嘢《基本法》同港人治港係Work，香港如果真係要掌握自己嘅防疫命運，唔係要林鄭下台而係要港獨。但個問題係你唔撚能夠因為仇恨特區政府，移情作用走去吹捧另一個獨裁政府，你班黃屍狗更加唔撚應該製造Fakenews去歪曲事實──
你老味之前有幾多個去澳門嘅香港人被無理截查同遣返？連BB仔都可以因為個名同佢個LIST上面一樣而唔撚比入境呀！如果澳門真係有封關，佢封果個關叫「香港」。
Search